Colegio San Antonio Aruba

ool. E problema di mas grandi tabata cu St. Jozef School, awe Colegio San Hosé, tabata pa mucha homber y Maria School tabata pa mucha muhe so. Esaki a pone cu Zuster Cecilia mester a haci tur su esfuerso pa haya e autorisacion di Monseigneur na Willemstad, como cu nos ta forma parti di bisdom. Mientras cu 1e klas di MULO ta andando, a cuminsa cu construccion di e prome hala di Sint Antonius College den cunucu di cocolishi poco mas pabou y pazuid di St. Jozef School. Na 1960 St. Antonius College ta wordo bendiciona pa pastoor di Sta. Cruz y 1e y 2e klas di MULO a continua pero cu mucha homber den un lokaal y mucha muhe den un otro lokaal. Den transcurso di aña 1961 nos por a papia di “gemengde lokalen”, pues mucha homer y mucha muhe hunto. Zuster Cecilia a keda cabesante te na aña 1976. Despues di e periodo aki señor E. Solagnier a tuma over y a maneha e “barco” te 1992. Depues cu el a bai cu un penshun bon mereci Juffrouw

M. Mossel a bira directora y a keda den e funcion aki te aña 2001. Den e periodo aki St. Antonius College a cambia su nomber na Papiamento segun deseo di Zuster Cecilia y a bira asina Colegio San Antonio. Desde 2001 Colegio San Antonio tin como director Sr. Mario Tromp. Mester bisa cu Colegio San Antonio a produci hopi hoben balente y dinamico cu tin puesto clave den nos comunidad, entre otro Sr. Edwin Tromp, presidente actual di Aruba-bank, selador Sr. Ben Weller, director di Filomena College, Sr. Mike Lampe. Entre nan tin tambe, Sr.G.Werleman di WEB Aruba, nos Prome-minister Sr. Nelson Oduber y hopi mas. Señor G.F. (Betico) Croes tambe a traha na Colegio San Antonio como maestro. Mester corda cu na aña 2010 na augustus-september e scol aki ta celebra su di 50 aniversario. Durante añanan cu a pasa e scol a crece enormemente y awor ta consisti di tres hala y tin un total di 19 lokaal (di cua 7 ta di palo ainda), un gymzaal, un “lerarenkamer” y un cantina. Actualmente e scol tin 375 alumno. Tin plan grandi pa construi den futuro cercano lokaal nobo pa remplasa e bieunan y expande e scol tambe un poco mas pa motibo cu nos tin un scarcedad enorme di lokaal y loke cu tin awor no ta pas den e proceso di inovacion di nos enseñansa. E motibo principal cu no por expande al momento ta falta di placa. Nos ta spera cu pronto yega na un solucion pa e problema aki. Compila y redacta pa Sr. Tommy Croes, maestro cu a traha pa mas di 30 aña na Colegio San Antonio y awor ta gosa di un bon penshun.