Cevi Rüti ZH

Hela Tag 7:

Am Fritig hat eus dä Polizeichef zu eusem Erfolg gratuliert. Doch irgendöpis isch immerno suspekt gsi. Dä Monika und em Viktor isch ufgfalle, dass dä Polizeichef s‘gliiche Tattoo hat wie dä Mafiaboss. Sie stecked alli unter einere Decki. Am Abig hend sie ihn vor Gricht stelle chöne und hand Recht übercho.

Hela Tag 6:
Dank dä Bilder vo dä Journalistin hend am Dunnstig d‘Monika und dä Viktor wiiter mache chöne mit em Fall. Sie hend dä Mafiaboss uf früscher Tat ertappt und verhafte chöne.
Mir hend Mattelauf gspielt, hend eus a dä Olympiade bi verschiedene Diszipline gmesse und am Abig hemmer i eusne Stufe abkocht.

Hela Tag 5:
Am Mittwoch hemmer d‘Journalistin beuftreit zum eusere nächste Spur nahzgah. Sie hat paar Bewies chöne sammle idem sie gschickt Fotis vonere Bilderübergab gmacht hat.
Am Morge hand mir dä Block Interkulturelli Öffnug kah, wo d‘Chind verschiedeni interssanti Sache gelernt hend. Hofmanieren bim König, öpis über Lebe i Gsellschafte, neues über Legende und bedütendi Jugendbewegige und zu gueter letzt hemmer hart verhandelt um es Kunstwerk.
Am Nammitag simmer no alli zäme id Turnhalle gange und hend Burgevölk gspielt.

Hela Tag 4:
Am Ziestig hemmer euse Bösewicht kenneglernt. Mir sind vom Mafiaboss bedroht worde. D‘Monika und dä Viktor hend die Drohig aber nöd ernst gnoh.
Mir hend viel über Natur und Umwelt glernt, euses L***rabzeiche bastlet und am Abig hets än Geisterlauf geh.

Hela Tag 3:

D‘Polizistin Monika und dä Detektiv Viktor hend eus uf ä Wanderig gschickt, zum wiiteri Hiwies sueche.
Während die chliine mega viel Spass uf em Spielplatz kah hend, hend die grosse ä top ussicht kah uf em Berg obe.
D‘Stufe Camino hat chli öpis anders gmacht und isch am Abig no go bowle und Pizza esse gange.
Am Abig hend d‘Monika und dä Viktor dank eusne Hiwies än Verdächtige chöne festneh.

Hela Tag 2:

Am Sunntig hemme zäme mit Polizistin Monika und em Detektiv Viktor wiiteri Hiwies zum gstohlene Bild gsuecht. Mir hend usegfunde, dass es inere L***rhalle wiiteri Spure zu eusem Verdächtige ha chönt.
Zudem hend mir verschiedni Sache bastlet, Frisbee gspielt und am Abig häts no es Capture the Flag geh.

Am Samstig sind mir is L***r i de Lenzerheide gstartet. Mir sind grad vo Anfang a i en Diebstahl und Schmuggler- Fall verwicklet worde. Zeme mit de Polizistin Monika Graf hämer all oisi Hiwiis gordnet. Nebebi hämer villes zum Thema Ersti Hilf glernt aber au Spieli wie Würfelfuessball gspilt. Am Schluss vom Tag hämer denn de spielsüchtigi Detektiv im Casino aatroffe, womer au grad noh oisi Spielfähigkeite tested hend.

Rückblick vo dä Stufe Pandora

Rückblick vo dä Stufe Agoro & Apollo

Rückblick vo nach dä Summerferie