Lara art space

حاول متفكرش في الإجابة كتير و شاركني بأول حاجة تيجي قي بالك

في ناس بتحس العيد له لون

وفي ناس بتحسه له صوت

بس لو العيد عندك له ملمس هيبقى عامل ازاي؟

قماش جديد؟
ورق هدايا؟
كنبة البيت؟
رملة؟
خشب؟
ولا حاجة تانية خالص؟

مفيش اجابة صح و إجابة غلط

عيدكم سعيد كل سنة وانتم طيبين

اليوم من كورس الأساسيات

المنظور مش مجرد “خطوط بتروح لنقطة”
المنظور هو اللي بيخلي الرسمة تتنفس وتحس إن فيها عمق وحياة ✨

في الكورس بنتعلم أساسيات المنظور بشكل أكاديمي وبطريقة بسيطة خطوة بخطوة
إزاي نبني الفراغ، نفهم الأبعاد، ونرسم الأماكن والأجسام بشكل واقعي ومتوازن 🎨

سواء منظور نقطة واحدة أو نقطتين
المهم إنك تفهم ليه الشكل بيظهر كده، مش تحفظه وخلاص.

لأن الرسم القوي بيبدأ من أساس قوي 🤍

شاركوني آخر حاجة رسمتوها

عملت جروبين على واتساب لكورسات الاطفال واحد في بني سويف و التاني في الشرق هنبدأ بعد العيد اي حد يحب يشارك او يعرف تفاصيل الكورس و هنبدأ يوم ايه وكل التفاصيل يبعتلي رقم واتساب احطه معانا في الجروب ♥️

كورس الاساسيات معمول بشكل أكاديمي للناس اللي فعلًا حابة الفن وعايزة تتعلمه بجد،
للناس اللي نفسها تفهم الرسم
وتبني أساس قوي يخليها تعرف ترسم أي حاجة بعد كده بثقة وفهم.

هنبدأ من دراسة التكوينات والطبيعة الصامتة لأنهم من أهم الأساسيات لأي فنان حقيقي.
هنتعلم:
• التكوين وتوزيع العناصر
• النسب والمقاييس
• الضوء والظل
• فهم الكتل والأحجام
• المنظور والإحساس بالعمق
• استخدام الرصاص بطريقة صحيحة
• إزاي نشوف التفاصيل بعين فنان مش بعين عادية

الكورس مناسب للي حابب يدخل كلية فنون أو يطور مستواه بجد،
ولأي حد نفسه يبقى عنده أساس أكاديمي قوي يساعده بعد كده في أي أسلوب أو خامة يحبها.

أنا مهتمة جدًا إن كل شخص في الكورس يفهم ويتطور فعلًا،
عشان كده التركيز هيكون على التدريب الحقيقي والمتابعة والتأسيس الصح،
مش مجرد نشاط ترفيهي أو رسم سريع وخلاص. 🤍✨

الفن مش موهبة بس،
الفن دراسة وملاحظة وصبر وتدريب…
وده اللي هنشتغل عليه مع بعض 🌿

النهاردة كان عندنا ورشة “فهم المشاعر بالفن” ✨🎨

قعدنا نفهم يعني إيه مشاعر، وإزاي كل إحساس جوانا بيحاول يقولنا حاجة حتى لو كان مزعج أوقات.
رسمنا، اتكلمنا، وجرّبنا نعبّر عن نفسنا من غير خوف أو حكم 🤍

كان جميل أشوف كل واحدة وهي بتحوّل إحساسها لألوان وأشكال بطريقتها الخاصة، وقد إيه الفن ممكن يكون مساحة آمنة نفهم فيها نفسنا أكتر.

شكراً لكل البنات اللي شاركونا طاقتهم ومشاعرهم النهاردة 🌷
ومتحمسة جداً للورش الجاية ✨

#فن #مشاعر

ليه دايمًا بنبدأ بالرسم الأكاديمي؟ 🎨
لأن الرسم الأكاديمي هو الأساس اللي بيسهّل بعد كده أي ستايل أو خامة نفسك تشتغلي بيها ✨
قبل ما نرسم شخصيات، بورتريهات، ديجيتال آرت أو حتى لوحات تعبيرية…
محتاجين الأول نفهم: • الشكل
• النسب
• الضوء والظل
• المنظور
• وإزاي العين تشوف التفاصيل صح
الرسم الأكاديمي مش بيقيد الإبداع زي ما ناس كتير فاكرة…
بالعكس، هو اللي بيديكي حرية بعد كده إنك تعبري براحتك لأن عندك أساس قوي 💛
وده اللي بنشتغل عليه خطوة خطوة في الكورسات، من غير ضغط ومن مستوى المبتدئين تمامًا

الصورة من الشرح أثناء الورشة
انتوا كمان شاركوني رسوماتكم في الكومنتات