Гимназија Добри Даскалов Кавадарци

„Кожувчанка” и „МИН-ЕКС” со донација на инвертер клима уреди за кабинетите во Гимназијата

Двата кабинети по биологија и хемија во Гимназијата, кои неодамна беа обновени од Ротари клуб, сега се збогатени и со нови инвертер клима уреди, донирани од „Кожувчанка” ДОО и „МИН-ЕКС” ДОО .

Голема благодарност до овие две компании за нивната општествена одговорност и грижа за подобрување на условите за учење на нашите ученици. Вакви примери покажуваат дека заедно можеме многу повеќе. Ви благодариме!

🏆 Гимназија „Добри Даскалов“ со претставник во националниот тим за Меѓународната олимпијада по геонауки!

Македонското географско друштво и оваа година организира учество на Меѓународната Олимпијада за геонауки (International Earth Science Olympiad 2026), која ќе се одржи во периодот од 20 до 27 август 2026 година во Торино, Италија.

Согласно утврдениот критериум, право на пријава имаат учениците кои освоиле 85 или повеќе поени на државниот натпревар по географија (2026).

Учениците Трајче Шатков, втора година и Благица Петрова ,прва година во СОУ Гимназија Добри Даскалов - Кавадарци, (ментор Валентина Димитрова) успешно учествуваа на селекциониот натпревар за избор на Меѓународната олимпијада за геонауки.

На натпреварот учениците покажаа високо ниво на знаење, аналитичко размислување и интерес за геонауките, достојно претставувајќи го нашето училиште.
Селекциониот натпревар за претстојната Олимпијада по геонауки се одржа на 22 јуни 2026 година во просториите на Природно-математичкиот факултет во Скопје, со почеток од 10 часот .

Националната репрезентацијата ќе биде составена од четворица ученици ( оние кои ги освоиле првите четири места) и двајца ментори/водачи на репрезентацијата.
Со особено задоволство известуваме дека ученикот Трајче Шатков, со освоеното второ место на селекциониот натпревар е еден од четворицата ученици кои се пласираа во националниот тим кој ќе ја претставува нашата држава на Меѓународната Олимпијада за геонауки.

На нашиот ученик Трајче, и на целата македонска репрезентација им посакуваме многу успех на Меѓународната олимпијада за геонауки и достојно претставување на нашата држава.

Среќно!

https://dobridaskalov.edu.mk/izveshta-za-sprovedeniot-selekcionen-test-za-uchestvo-na-olimpi-ada-po-geonauki/

Натпревар „Камп на иновации” и освоено 3 (трето) место

Во организација на „Џуниор Ачивмент Македонија”, од 15 до 16 јуни 2026 година во Струга, се одржа тимски натпревар „Камп на иновации” на тема: „Екологија и иновации”.

На овој натпревар, од СОУ Гимназија „Добри Даскалов” - Kавадарци учество земаа ученичките од II-6 клас, профил: економски техничар: Симона Цветковиќ, Благица Димкова, Драгица Кимова, Симона Кабранова и Магдалена Димитриева, под менторство на професорката Лоска Давчева.

Целта на натпреварот беше јакнење на претприемничките вештини на учениците, преку демонстрирање тимска работа, креативност, иновативност и создавање „зелени” иновации.
Тимовите од ученици, под менторство на професорите, создаваа иновации преку кои ќе се искористуваат, а стовремено и заштитуваат природните ресурси.

Ученичката Симона Цветковиќ, со нејзиниот тим, освои освои 3 (трето) место и доби пригодна награда, а сите учесници на натпреварот добија сертификати. Овој натпревар е доказ дека младите можат и знаат – само треба да се канализира нивната
визија!

https://dobridaskalov.edu.mk/natprevar-kamp-na-inovacii-i-osvoeno-3-treto-mesto-2/

Прва и втора награда за нашите ученички на Државниот натпревар по македонски јазик и литература

На 7.6.2026 година, на Филолошкиот факултет во Скопје, ученичките Весна Давчева и Елена Манасијевска достојно го претставија нашето училиште на Државниот натпревар по македонски јазик и литература за III година, постигнувајќи одлични
резултати.

Под менторство на професорката Катица Манева, Весна Давчева ја освои првата награда, а Елена Манасијевска втората награда, потврдувајќи ги своите знаења и посветеност во изучувањето на македонскиот јазик и литература. Со својата љубов кон македонскиот јазик и литература, тие уште еднаш покажаа дека трудот и истрајноста носат врвни резултати.

Овој успех претставува гордост за нашето училиште и поттик за сите ученици да ги развиваат своите знаења и таленти. Им честитаме на ученичките и им посакуваме уште многу успеси и достигнувања во иднина.

https://dobridaskalov.edu.mk/prva-i-vtora-nagrada-za-nash*te-uchenichki-na-drzhavniot-natprevar-po-makedonski-jazik-i-literatura/

Успешно реализирана средношколска екскурзија на учениците од I и II година при СОУ Гимназија „Добри Даскалов“ Кавадарци

Во период од 26.5.2026 до 28.5.2026 година учениците од I и II година при СОУ Гимназија ,,Добри Даскалов” успешно реализираа тридневна научно-истражувачка екскурзија на релација Кавадарци- Вруток- Бигорскиот манастир-Струга-Охрид-Кавадарци

Посетивме значајни природно и културно историски знаменитости во нашата земја.

Првиот ден го посетивме Вруток, познат по изворот на реката Вардар и прекрасната природа.

Манастирот ,,Св. Јован Бигорски”, еден од најубавите православни манастири во Македонија, познат по својата историја, архитектура и духовно наследство.

Во Струга го посетивме Природно научниот музеј „Никола Незлобински“, биолошкото, етнолошкото, археолошкото и историското одделение.

Ја посетивме и Спомен куќата на браќата Миладиновци, основоположници на македонската преродба, поборници на културната слобода на својот народ за својот мајчин јазик. Учениците потоа го видоа местото каде реката Црн Дрим истекува од Охридското Езеро и Мостот на поезијата.

Вториот ден се запознавме со градот Охрид, од каде започува да се шири словенската писменост и култура. Град богат со културно историски знаменитости и природни убавини.Куќата на Робевци, црквите ,,Св. Софија”, ,,Св. Јован Канео”, Самуиловата тврдина, Античкиот театар,потоа Плаошник или црквата ,,Св. Климент Охридски”, место кое претставувало расадник на словенската писменост и култура,место каде е изграден првиот словенски универзитет на Балканот, познат како Охридска книжевна школа.

Третиот ден го посетивме Заливот на коските, каде видовме како живееле старите Словени и ја посетивме црквата ,,Св. Наум Охрдиски” (чудотворецот), значаен духовен и историски центар во Македонија, со импресивна архитектура и фрески.

Екскурзијата беше незаборавно искуство. Научивме повеќе за нашата историја, култура и природни богатсва. Покрај тоа поминавме убаво време со дружење, создадовме нови спомени, направивме нови приказни и стекнавме нови знаења.

https://dobridaskalov.edu.mk/uspeshno-realizirana-srednoshkolska-ekskurzija-na-uchenicite-od-i-i-ii-godina-pri-sou-gimnazija-dobri-daskalov-kavadarci/

УПИСИ 2026/2027

Електронско пријавување за упис во I (прва) година

🎓🎓🎓