Ha'apai Tonga Stake

Kainga, fakamanatu atu ai pe etau polokalama ki apongipongi, oku mau fakaafe'i 'a e taha kotoa ki he 'etau ngaueofa ki he falemahaki Fusipala oku fakahoko ia he taimi 7 am- 9 am pea te tau hoko atu ai pe ki he foaki etau ngaahi me'aofa. Kataki ka mou vakai ki lalo ki he ngaahi me'angaue oku fiemau ki he etau ngaueofa.

Malo 🤙

TOHI FAKAMĀLŌ MO E LOTO-HOUNGAʻIA
KI HE TOKONI KI HONO FAKATAU E PASI AKO.

ʻAho: 19/10/2026

Kia: Feke Niutupuʻivaha mo e Kainga kotoa ʻo Haʻapai.

Kaveinga: Fakamālō ʻi hoʻomou tokoni ki he fānau ako ʻo e Koulo Middle School.

ʻOku mau ongo’i fiefia ke fakahoko atu ʻi he loto-fakatōkilalo mo e loto-houngaʻia moʻoni ʻa e Kau Palesitenisī ʻo e Siteiki Haʻapai, ʻa e fakamālō mo e ʻofa lahi kia Feke Niutupuʻivaha pea mo e kainga kotoa ʻo Haʻapai pea moha ni’ihi ne tapa mai homou ‘ofa ‘iha ngaahi founga kehekehe, ʻi hoʻomou nima-homo, loto-fiefoaki mo e tokoni mahuʻinga kuo mou fakahoko ki hono feinga’i ha pasi ako maʻá e fānau ako ʻo e Koulo Middle School.

ʻOku mau fakamālō makehe atu ʻi hoʻomou loto-taha, feinga fakataha mo e ʻofa ki heʻetau fānau, ʻa ia kuo mou fakahaaʻi ʻaki hoʻomou ngaahi tokoni fakapaʻanga. ʻOku mau ʻiloʻi ʻoku ʻikai ko ha meʻa siʻisiʻi mo faingofua ʻae feilaulau kuo mou fakahokó. Ko e tokoni kotoa pē, tatau ai pē pe ko e lahi pe siʻisiʻi, ʻoku mahuʻinga pea ʻoku mau lau ia ko ha fakamoʻoni ʻo e loto-ʻofa, uouangataha mo e tokanga ki he kahaʻu ʻo ʻetau fānau ako.

ʻOku mau tui ko e pasi ako ko ʻení ʻe hoko ko ha tāpuaki lahi ki he fānau ako, ʻo tokoni ki heʻenau fefonongaʻaki ki he akó ʻi he malu mo e faingamālie lelei ange. ʻOku mau ʻamanaki e tokoni ki heʻenau ako, fakalakalaka mo e feinga ke maʻu ha kahaʻu lelei. Ko hoʻomou tokoní ʻoku ʻikai ngata pē ʻi hono tokoniʻi ʻa e fānau he ʻaho ní, ka ʻoku mou kau foki ʻi hono langa hake ʻo e kahaʻu ʻo Haʻapai.

ʻOku mau loto ke mou ʻiloʻi ʻoku hounga moʻoni ki he fānau ako, kau faiako mo e mātuʻa ʻo e Koulo Middle School ʻa e meʻa kuo mou fakahokó. ʻOku mau tui ʻoku nau ongoʻi ʻa e ʻofa, tokanga mo e poupou kuo mou fakahaaʻi kiate kinautolú. Ko hoʻomou foakí ko ha tāpuaki ia ʻe manatuʻi pea mo ha sīpinga lelei ki he toʻu tangata ka hoko maí.

ʻOku mau lotua ke tāpuakiʻi kimoutolu ʻe he Tamai Hēvaní ʻi hoʻomou ngaahi feinga, ngāue mo e ngaahi fāmilí.

ʻOfa ke mou maʻu ʻa e mālohi, moʻui lelei, melino mo e ngaahi tāpuaki lahi ʻi hoʻomou ngaahi ngāué.

ʻOku mau fakatauange ke hokohoko atu ʻa e laumālie ʻo e uouangataha, fetokoniʻaki mo e ʻofa ʻi hotau kainga ʻo Haʻapai.

Mālō e ngāue, mālō e loto to, pea mālō e feilaulau kuo mou fakahokó.

ʻOfa ke hokohoko atu ʻa e tāpuaki ʻa e ʻEikí kiate kimoutolu kotoa pē.

ʻI he loto-houngaʻia mo'oni mo e fakaʻapaʻapa lahi atu,

KAU PALESITENISĪ ʻO E SITEIKI HAʻAPAI
Palesiteni Tevita ʻUnga Filimoeʻulie
Palesiteni Taipaleti Fangufangu
Palesiteni Paluki Hakalo

Kainga koe Taimi-tēpile eni 'oe uike Konifelenisi Fakasiteiki.

'Ofa kemou ma'u ha teuteu konifelenisi fakalaumalie 'ihe uikeni.

18/10/2026

Naʻe uiuiʻi he 'ahoni 'a 'Isileli Pulu Taufa ke hoko koe Alelea'anga Ma'olunga he Siteiki, koha pisope maloloo eni nae toki tukuange pea 'oku mau hounga'ia 'iho'o tali lelei 'ae ui kuo fai he 'Otua kiate koe, 'oku mau talamonuu atu he fatongia kuo fakafalala atu he Tamai Hevani kiate koe..'Ofa atu.

10/12/2026
Kohotau fatongia koe fakaafeʻi e ni'ihi kehe ke ha'u kia Kalaisi pea koe 'Otua tene toki fakahoko e liliu e tangata ke tui mo fili ke Papitaiso.

Koe tamai eni ko Heneli na'e 'ikai ke faingofua 'ene fili he 'ahoni ka 'ihe'ene fie muimui kia Sisu Kalaisi na'ane lototoʻa ai kene hange pe koia.

Palesiteni Tevita To'a mo Palesiteni Unga Filimoeulie malo e ngaue lahi 'ihono fakafekau'aki homo tui moe malohi 'oku mo ma'u ke a'usia ai he Tamai koeni ha fili mahu'inga he 'ahoni.

Kapau 'oku tau fiefia kitautolu koeni pea fefe ai e Tamai Hevani.

Koha tāpuaki kihe ongo famili koeni hono sila'i kinautolu 'ihe mo'ui ni mo 'Itaniti.

Na'e lava lelei Sila Ongo famili e 2 'o Taumālua Moala mo 'Amelia Heilala Moala pea mo Paula Taulua mo Nita Taulua.

Malo Pisope Lelenoa mo 'Osai Siulua kae pehe kihe kaingalotu hono kotoa e ngaue lahi. 'Ofa atu

Kainga 'oku mau loto ke fakaha atu 'emau 'ofa moe loto fakatokilalo mo'oni pea moha fakaafe hangatonu atu kihe tokotaha kotoa pe ho lotofale, kemou meʻa mai 'o mamata mo fanongo 'iha ngaahi popoaki fakalaumalie ke tanumaki 'aki hotau ngaahi famili.

'Ihe Sapate 'aho 25 'Okatopa 2026.

'OKU MAU TALITALI LELEI KIMOUTOLU.
Siasi 'o Sisu Kalaisi 'oe Kau Maʻoniʻoni 'Ihe Ngaahi 'Aho Kimui ni.

6/10/2026
Koe fili ke muimui 'ia Kalaisi 'oku ikai ke faingofua, ka koha fili mahu'inga taha 'ihe mo'ui ni.

Naʻe fakahoko he 'ahoni ha Ouau Papitaiso kia Pita Sakalia Tukutau pea koe me'a fakafiefia ia kihono famili.
'Oku mau talitali koe kihe Siasi 'o Sisu Kalaisi 'oe Kau Maʻoniʻoni 'Ihe Ngaahi 'Aho Kimui ni.
Fakatauange ke faitapuekina koe he 'Otua mo ho'o famili he toenga ho mo'ui.

Lotofoa.