Bavarian Health Care Clinic

أكبر غلطة بنعملها في مجال القلب: اننا نبص على القلب كأنه عضو منفصل عن باقي الجسم، لكن الحقيقة إن القلب بيتأثر بكل حاجة حواليه، ييتأثر ب:
✔️الأكل.
✔️النوم.
✔️الحركة.
✔️التاريخ المرضي للعيلة.
✔️وبمشاكل ممكن تبدأ من الطفولة وتفضل مكملة سنين.

ولإن كتير من العادات دي وراثية، وبتتنقل من جيل لجيل وتستمر على مر السنين
ركزنا في Bavarian إن ميبقاش هدفنا نبني عيادة قلب وبس، وإن هدفنا الحقيقى إننا نبني منظومة تقدر تشوف الصورة كاملة…
من الطب الوقائي، لمتابعة النوم، للتغذية العلاجية، لقلب الأطفال، لطب القلب الرياضي، والتخصصات الدقيقة المرتبطة بصحة القلب.
لإن القرار الصح بيبدأ دائمًا من فهم الصورة كاملة مش جزء واحد منها.
لإن اللي بيحصل النهاردة.. بدأ من زمان

أصل جدي كان عنده القلب، وأبويا برضو مريض ضغط.."
جمل بنسمعها كتير، وناس أكتر بتعتبرها أمر واقع مفيش منه هروب.
لكن الحقيقة إن وجود تاريخ مرضي في العيلة مش معناه إن نفس الحكاية لازم تتكرر، هو معناه إن عندك معلومة مهمة، وكل ما عرفنا المعلومة دي بدري، كل ما كانت عندنا فرصة أكبر إننا نتصرف بدري، ونتابع بشكل أدق، عشان نأخر ظهور الأعراض ونقلل حدتها، ويمكن كمان الوقاية والمتابعة السليمة تمنع ظهورها من الأساس.

وعشان كده في Bavarian بنؤمن إن معرفة التاريخ الصحي للعيلة جزء أساسي من أي خطة متابعة أو وقاية، وده واحد من المبادئ اللي بنبني عليها قسم الطب الوقائي، لإن كل ما عرفنا المخاطر بدري، كل ما كان عندنا فرصة أكبر إننا نتصرف قبل ما تتحول لمشكلة حقيقية.

لإن اللي بيحصل النهاردة.. بدأ من زمان

حتى عاداتنا الغلط ممكن تبقى وراثة
كتير بنلاقي نفسنا بنعمل نفس عادات اهالينا: من اول روتين الحياة وطريقة الأكل ومواعيد النوم، لحد الحركة، وحتى فكرة إننا نكشف لما نتعب بس.
كلها حاجات بتترسخ معانا من وإحنا صغيرين، وبتفضل مكملة معانا سنين من غير ما ناخد بالنا، بس لو ركزنا هتلاقي أن ده ممكن يكون السبب إن نفس المشاكل الصحية بتتكرر جوا نفس العيلة.
مش دايمًا بسبب الجينات، ولكن أحيانًا بسبب عادات اتنقلت من جيل للتاني من غير ما حد يقف ويسأل: هل العادات دي فعلًا صح؟

وده واحد من أهم أسباب وجود دكتور يعرف العيلة كلها… مش فرد واحد بس، وجزء من الفلسفة اللي بنبني عليها الرعاية في Bavarian.
إننا منكتفيش بمتابعة شكوى فرد واحد، لكن بنحاول نفهم الصورة الكاملة للأسرة كلها، لإن أحيانًا المعلومة اللي تخص شخص واحد… ممكن تحمي عيلة كاملة.
لإن اللي بيحصل النهاردة.. بدأ من زمان

بنرحب بانضمام د.أسماء جمال الدين الجاويش ، استشاري امراض الباطنة والكلى وأمراض الضغط والسكر، لفريق بافاريان الطبي.

ناس كتير بتفتكر إن الحكاية بدأت يوم الأزمة:
يوم الجلطة
يوم ارتفاع الضغط
يوم ما ظهرت النتيجة
أو يوم ما بدأ التعب…
بس الحقيقة إن معظم أمراض القلب مبتبدأش في اليوم ده أصلًا، لكن بدأت قبلها بسنين. بعادة صغيرة اتكررت، او عَرَض بسيط تجاهلناه، او يمكن بإشارة، الجسم قالها مرة واتنين وعشرة ومحدش سمعها، وتاريخ عائلي محدش سأل عنه.

وعشان كده الشهر ده هنتكلم عن الحاجات اللي بتحصل قبل أول حدث، الحاجات اللي لو فهمناها بدري… ممكن تغيّر الحكاية كلها.
لإن اللي بيحصل النهاردة.. بدأ من زمان